Tugas Kelompok XII Akuntansi 1 NADA

NADA

BABAK 1

            Ing tengah panggung arupa kamare Nada (swara pitik jago kluruk), nuduhake wayah isuk. Dheweke nyepakake kanggo budhal sekolah. Banjur pamit marang Ibune. Nada budhal sekolah numpak sepedha ontel.

Nada               :”Bu kula bidhal rumiyen” (Nada nyalimi Ibune sing ya arep budhal menyang Pasar).

Ibu                   :”Iya nduk, ati-ati. Iki bekale aja lali dimaem” (ngewehake bekel)

Nada               :”Nggih Bu.”

BABAK 2

Nada teka sekolah banjur markir sepedhane , saka mburi krungu ana swara sing nyeluk dheweke.

Rima                :”Daaaaa……” (karo nepuk pundake Nada)

Nada               :”Astaghfirullahh…(genti nepuk pundake Rima)  tibake awakmu to Ma ngageti wae”

Rima                :”Hehe iya, ayo bareng!”

(teka kelas Rima lan Nada langsung lungguh ing bangku nomer loro saka ngarep, ora let suwi krungu swara bel, tandhane pelajaran diwiwiti)

Bu guru           : “Ayo cah, dimempengne leh sinau arep nyedaki ujian nasional”

Murid              : “Nggih, Bu.”

Bu guru           : “Iki podho arep kerja apa kuliah ?” (bocah-bocah njawab sesarengan)

Murid              : “kulo kuliah bu..kulo kerjo bu..”

Bu guru           : “Nada, arep neruske neng ndi ndhuk ?”

Nada               : “Kulo dereng ngertos bu,niki taseh bingung”

Bu guru           : “Lha ngopo kok bingung? Mengko istirahat ning ruang BK nemoni Bu guru,ben iso konsultasi. Sing liyane enek sing sek bingung?”          

Murid             :”Mboten bu”

(Sakwise bel istirahat muni, Nada langsung nemoni Bu Guru ning ruang BK)

Nada               : “ Kulo nuwun, bu kulo ajeng konsultasi”

Bu guru           : “Iyo nduk mlebu o. (Bu guru ngokon Nada lungguh,sing ning kono mung ono Bu Guru lan Nada). Opo sing dadi masalah mu nduk?”

Nada               :“Kulo taseh bingung bu,pengen kuliah nanging kahanan ekonomi wong tua kulo mboten nyukupi kangge biaya kuliah.”

Bu guru           : “Ora usah bingung nduk, beasiswa iku akeh ning perguruan tinggi.”

Nada               : “ Ngapunten bu kulo teseh dereng ngertos bab beasiswa niku.”

Bu guru           : “ Ngene nduk..dadi beasiswa iku macem-macem, nek kanggo daftaran mlebu iku awakmu iso njupuk beasiswa bidikmisi, la nek kanggo sakterus e  awakmu iso golek beasiswa liyo ning kampus mu iku.”

Nada               : “ Pripun kaleh persyaratane niku bu?”

Bu guru           : “ Gak usah khawatir bab persyaratan ..awakmu iso ngajukne surat rekomendasi ning sekolah, mengko enek Bapak/Ibu Guru sing ndampingi.”

Nada               :” Nanging pripun kulo angsal informasi lengkap e niku bu? Kulo nggeh mboten gadah Hape nopo Laptop sing saget damel browsing.”

Bu guru           : “ Awakmu iso nganggo komputer sekolah to pas jam istirahat utowo pas jam kosong.”

Nada               : “ Ngenani kampus sing ajeng kulo daftari niku pripun, Bu?”

Bu guru           : “ Sak iki ne tak takoni, awakmu pengen e jupuk jurusan opo?”

Nada               : “ Kulo pengen mendet jurusan biologi bu, amargi kulo seneng kaleh pelajaran niku.”

Bu guru           : “Lha, awakmu iso daftar ning kampus UGM nduk, iku kampus seng akreditasine apik.”

Nada               : “Mengke kulo wonten mriko ngekos nggih bu?”

Bu guru           : “Iku urusan keri, awakmu kudu nyiapne kanggo ujian nasional lan mlebu perguruan tinggi sing kok karepne, lan awakmu nyiapake berkas-berkas kanggo pendaftaran beasiswa.”

Nada               : “Matur suwun bu, panjenengan sampun mbantu kulo.”

Bu guru           : “Iyo nduk, iku wis tugas e Guru mbantu murid seng lagi bingung.”

Nada               : “Yen ngoten kulo nyuwun pamit bu, sampun bel masuk.”

Bu guru           : “Iyo nduk ngati-ati.”

BABAK 3

Bengine ning omah, Nada matur marang wong tuane babagan dewek e arep mlebu perguruan tinggi. (katon swara jangkrik)

Bapak : “Oalah nduk, yen karepmu pengen sekolah, bapak ora iso mbantu biaya, nggo nyukupi kebutuhan bendino ae sek bingung.”

Ibu       : “Pak, Nada ki golek beasiswa pak, ben ora ngaboti awak e.”

Nada   : “Nggih pak, mengke kulo ngajukne beasiswa bidikmisi, saking bidikmisi kui mengko kulo entuk arta kuliah saking Pemerintah.”

Bapak : “Woalah bapak urung mudeng nduk mau, yo bapak ndungo mugo-mugo berhasil olehmu sekolah, dadi wong seng bakti marang bangsa lan negara.”

Ibu       : “Iyo nduk, ojo koyo bapak ibumu, ora kenal sekolah.”

Nada   : “Bapak karo ibu tenang wae, kulo insya Allah tenanan, kulo pengen mbahagiakno bapak lan ibu, kulo ora pengen urip sia-sia.”(krungu swara seruling ngalun nggambarake swasana seng dirasakne keluarga iki )

Bapak : “Iyo nduk bapak percoyo kowe iso.”

           

BABAK 4

Akhire ujian nasional uwis kelewat, pengumuman kelulusan uwis metu lan pengumuman saka PTN ngabarne yen Nada keterima neng UGM, wong tua, guru, lan kanca-kancane yo melu seneng amarga Nada iso nglanjutne sekolah.

Nada   : “Bapak ibu kulo lulus, kulo ketampa dhateng UGM.”

Bapak : “Alhamdulillah nduk.”(karo ngerangkul Nada)

Ibu       : (nangis haru) “ora sio-sio lehmu sinau rino wengi nduk.”

Nada   : “Alhamdulillah Allah ngijabahhi dunga kita.”

            Panggung saya suwe redup lampune karo diiringin swara seruling lan nyanyian kang ngambarake keharuan keluarga Nada.

Rampung

XII Akuntansi 1

Kelompok:

Alifi Kurnia Dzulhijjah           (02)

Aprilia Leni D.A                     (09)

Ayu Diah Puspitasari              (16)

Dewi Cahyaning Tyas             (23)

Dwi Gianti I.M                       (30)